陳淑莊 陳七
公民黨陳淑莊（Tanya）鐵定喺立法會港島直選排名單嘅第二位，力谷前黨主席陳家洛入局，唔少人都擔心佢會墮馬。雖然Tanya都承認選情嚴峻，但佢依然貫徹樂觀搞笑嘅本色，笑言自己個新名係「陳七」（前南華足球員陳肇麒），事關佢要力爭港島區第7席、亦即係最後一席喎。
公民黨黨內預計，泛民同埋建制派喺港島區各可穩奪3席，初步估計，佢哋係民主黨單仲偕、公民黨陳家洛、工黨何秀蘭、民建聯曾鈺成、工聯會王國興同新民黨葉劉淑儀。最後一席係兵家必爭之地，相信會係Tanya、自由黨劉健儀同民建聯鍾樹根之爭。
堅守舞台 傳遞民主信息
Tanya坦言，佢已經為最差嘅結果做好打算，若果自己真係落選，就會做番執業大律師，同時亦會堅守舞台，繼續以藝術傳遞民主信息，感染其他人。
.陳淑莊 陳七
沒有留言:
張貼留言